‘പ്രതിഭാക്ഷരം’ രചനാ പരിശീലന ക്യാമ്പ് നവം.5 ന്

കോഴിക്കോട്: എസ്.കെ.എസ്.എസ്.എഫ്. റൈറ്റേര്‍സ് ഫോറം സംസ്ഥാന കമ്മിറ്റി യുവ എഴുത്തുകാര്‍ക്ക് വേണ്ടി രചനാ പരിശീലന ക്യാമ്പ് നടത്തുന്നു. ‘പ്രതിഭാക്ഷരം’
എന്ന പേരില്‍ നവം.5 ശനിയാഴ്ച രാവിലെ 9 മുതല്‍ വൈകിട്ട് 5 വരെയാണ് പരിപാടി. കോഴിക്കോട് സുപ്രഭാതം ഓഡിറ്റോറിയത്തില്‍ വെച്ച് നടക്കുന്ന ക്യാമ്പ് പാണക്കാട് സയ്യിദ് ഹമീദലി ശിഹാബ് തങ്ങളുടെ അധ്യക്ഷതയില്‍ കോട്ടുമല ടി.എം.ബാപ്പു മുസ്ല്യാര്‍ ഉല്‍ഘാടനം ചെയ്യും.
നോവലിസ്റ്റ് പി.സുരേന്ദ്രന്‍ മുഖ്യാതിഥിയായിരിക്കും. നവാസ് പൂനൂര്‍, മുസ്തഫ മുണ്ടുപാറ, സത്താര്‍ പന്തലൂര്‍, ബഷീര്‍ ഫൈസി ദേശമംഗലം, മുജീബ് ഫൈസി പൂലോട് സംബന്ധിക്കും.വിവിധ പഠനപരിശീലന സെഷനുകള്‍ക്ക് പ്രഗത്ഭര്‍ നേതൃത്വം നല്‍കും.
യോഗത്തില്‍ അലി വാണിമേല്‍ അധ്യക്ഷനായി. സലാം റഹ്മാനി കൂട്ടാലുങ്ങല്‍, സ്വാദിഖ് ഫൈസി താനൂര്‍, മോയിന്‍ മലയമ്മ, സമദ് ഹുദവി തറയിട്ടാല്‍, സമദ് റഹ്മാനി ഓമച്ചപ്പുഴ, നൗഫല്‍ വാഫി, വേങ്ങൂര്‍ സ്വലാഹുദ്ധീന്‍ റഹ്മാനി, തന്‍സീര്‍ കാവുന്തറ പങ്കെടുത്തു.
ക്യാമ്പില്‍ പങ്കെടുക്കാന്‍ താല്‍പര്യമുളളവര്‍ ഇ.മെയില്‍/ എസ്.എം.എസ്. വഴി ഒക്ടോ.25 ന് മുമ്പ് പേര്‍ രജിസ്റ്റര്‍ ചെയ്യണം.
ഇ.മെയില്‍:

skssfwriters@gmail.com
ഫോണ്‍: 9048452015,9946179810.

Categories: events, News

About Author