പ്ലസ് ടു; മലബാറിന്റെ ശോചനീയാവസ്ഥ പരിഹരിക്കണം : SKSSF

തൃശൂര്‍ : മദ്യ നിരോധനത്തിന്റെ കാര്യത്തില്‍ സംസ്ഥാന സര്‍ക്കാറിന്റെ ധീരമായ നിലപാടിനെ അഭിനന്ദിക്കുന്നതോടൊപ്പം പ്ലസ് ടു ബാച്ചുകള്‍ അനുവദിക്കുന്ന കാര്യത്തിലും സര്‍ക്കാര്‍ ധീരമായി ഇടപെടണമെന്ന് എസ് കെ എസ് എസ് എഫ് ആവശ്യപ്പെട്ടു. മറ്റു ജില്ലകളെ അപേക്ഷിച്ച് സ്‌കൂള്‍ വിദ്യാര്‍ഥി അനുപാതം മലബാറില്‍ അത്യന്തം ദയനീയമായി തുടരുകയാണ്. ഇവ്വിഷയം കോടതിയെ ബോധ്യപ്പെടുത്താന്‍ സര്‍ക്കാര്‍ ആത്മാര്‍ത്ഥമായി ശ്രമിക്കണമെന്ന് സംഘടനയുടെ സില്‍വര്‍ ജൂബിലിയോടനുബന്ധിച്ച് എസ് കെ എസ് എസ് എഫ് സംസ്ഥാന സമിതി വിളിച്ചു ചേര്‍ത്ത വിവിധ ജില്ലാ ഭാരവാഹികളുടെ യോഗം ആവശ്യപ്പെട്ടു.