കോഴിക്കോട് : സത്യത്തിന്റെ നിലനില്‍പ്പിന് വേണ്ടിയുള്ള പോരാട്ടത്തിന്റെ വിജയഗാഥ പറയുന്ന ബദര്‍ ദിനത്തില്‍ ഫലസ്തീന്‍ ജനതക്ക് വേണ്ടി ശാഖ തലത്തില്‍ ഇന്ന് (ചൊവ്വ) പ്രത്യേക പ്രാര്‍ത്ഥനാ സദസ്സുകള്‍ സംഘടിപ്പിക്കുന്നു. എസ്.കെ.എസ്.എസ്.എഫ് സംസ്ഥാന പ്രസിഡണ്ട്, പാണക്കാട് സയ്യിദ് അബ്ബാസലി ശിഹാബ് തങ്ങള്‍, ജന.സെക്രട്ടറി ഓണംപിള്ളി മുഹമ്മദ് ഫൈസിയും ആഹ്വാനം ചെയ്തു. ഫലസ്തീന്‍ ജനതയ്ക്കു നേരെ ഇസ്രായേല്‍ നടത്തുന്ന കിരാതമായ നരവേട്ട കണ്ടില്ലെന്ന് നടിക്കുകയാണ് ലോക രാഷ്ട്രങ്ങള്‍. ജനതയുടെ ഏറ്റവും വലിയ സുഹൃത്തായിരുന്ന യാസര്‍ അറഫാത്തിന്റെ നാട് ചോരക്കളമാവുന്നതിനെതിരെ മൗനം പാലിക്കുന്ന നമ്മുടെ രാജ്യത്തിന്റെ ഭരണാധികാരികളുടെ നിലപാട് അപഹാസ്യ പ്രതിഷേധാര്‍ഹമാണ് അവര്‍ അഭിപ്രായപ്പെട്ടു
